ოპერის თეატრი საქართველოს ეროვნულ მუსიკალურ ცენტრში ვერდის ორ ოპერას წარმოადგენს
თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის გუნდი, ორკესტრი, სოლისტები საქართველოს ეროვნულ მუსიკალურ ცენტრში (დავით აღმაშენებლის გამზ. 127) წარმოადგენენ ჯუზეპე ვერდის ორ ოპერას. საკონცერტო ვერსიით წარმოდგენილი იქნება _ “ატილა” (19 ივლისი) და “რიგოლეტო” (25 ივლისი). “ატილას” შეასრულებენ თეატრის სოლისტები _ ლეგი იმედაშვილი, ბესიკ გაბიტაშვილი, მაყვალა ასპანიძე, გიორგი მახარაძე, თამაზ საგინაძე, გია ასათიანი; “რიგოლეტოში” კი იმღერებენ გიორგი მახარაძე, სულხან გველესიანი, ნინო ჩაჩუა, კახაბერ თეთვაძე, ნატალია ვოლჩენკო, გოჩა დათუსანი-ჯიღაური, ირინე მერაბიშვილი, ტარიელ ჭიჭინაძე, იური ასლანიშვილი, ბაჩო ნაკაშიძე. სპექტაკლებს წარუძღვება ცნობილი იტალიელი დირიჟორი ჯანლუკა მარჩიანო. დასაწყისი 19 საათზე.
GHN
Оставить комментарий или два